HATAW! D'yaryo ng Bayan hatawtabloid.com
ISA si Axel Torres sa mga naapektohan nang husto ang showbiz career dahil sa COVID-19. Siya ay nasa pangangalaga na ngayon ng Asterisk Artist Management headed by Kristian G. Kabigting
Magsisimula na dapat sila ng taping ng online show nilang Amazing Adventures sa Asterisk Digital TV YouTube channel, kasama si Enzo Santiago. Ngunit dahil sa coronavirus ay hindi muna nakapag-shoot sina Axel at Enzo.
Si Axel ay nakatakdang mapanood din sa Boys Next Door ng TV5, ngunit out na siya sa A Kiss To Remember dahil puro new faces na ang ipapasok dito ayon kay Michael Louie Almacen.
Produkto ng Pinoy Big Brother All In, si Axel ay nakagawa ng ilang pelikula at TV shows mula nang naging Housemate sa Bahay ni Kuya. Kabilang dito ang Oh My G!, Banana Sundae, La Luna Sangre, Finally Found Someone, Vince and Kath and James, Wansapanataym, lpaglaban Mo, MMK, at The Break Up Playlist.
Na-link dati si Axel kay Vice Ganda. Pero hindi raw talaga naging sila. “Honestly, wala. Nakikita ko sa kanya, na parang hanggang anak-anakan niya lang ako,” sambit ni Axel.
Aminado siyang matagal na silang hindi nagkikita ni Vice, pero itinanggi ni Axel na hindi si Ion Perez ang rason. Katunayan daw, masaya si Axel para kina Vice at Ion. “Ang tagal na naming hindi nagkakausap, siguro after noong Kapamilya Basketball na kalaban sila, that’s the last time na nagkausap kami,” aniya.
Diin ni Axel, happy siya para kina Vice at Ion. “Super happy ako for them, hindi mo hinanap pero dumating… so sobrang happy ako para sa kanya (Vice).”
Anyway, ang iba pang talents ng Asterisk Artists Management ay sina Nico Nicolas, Kamille Filotea, Darvin Yu, Enzo Santiago, Miguel Diokno, Ivan Morriel, Carl Saliente, Hillary Tan, Z Mejia, Sam Cafranca, Christine Lim, Ayumni Takezawa, Nina Florez, Miguel Diokno, Princess Manaloto, Ronan Bearis, Hannah Balahadia at Karissa Toliongco.
ALAM MO NA!
ni Nonie Nicasio
