Mga DJ ng Barangay LS, hindi mapigilan ang kakulitan

KARAMIHAN sa atin ngayon ay tatlong linggo nang #TeamBahay dahil nga sa patuloy na paglaban natin para maiwasan ang lalong pagdami ng kaso ng Covid-19.

Habang nasa kanya-kanyang bahay tayo, siyempre hindi rin natin maiiwasang makaramdam ng pagkabagot. Kaya naman kahit #TeamBahay din ang karamihan sa DJs ng Barangay LS, hindi pa rin mapipigilan ang kanilang kakulitan. Ready pa rin silang makipagtawanan at makipagkulitan via Facebook live sa kanilang official page.

Samantala, para naman sa mga loyal na ka-Barangay, inanunsiyo rin ng Barangay LS 97.1 sa kanilang Facebook page na on-air pa rin sila sa radyo. Maaari pa ring magpadala ng song requests at messages sa programang Forever Request tuwing umaga at hapon.

Mapakikinggan din ang episodes ng Barangay Love Stories at non-stop music naman ang hatid ng Barangay Love Songs at Forever Drive. ‘Ika nga nila, Forever nilang ipararamdam na hindi nag-iisa ang mga ka-Barangay nila sa panahon ng quarantine.

RATED R
ni Rommel Gonzales