Throwback photos nina Coney at Tom, pinagpiyestahan ng netizens

DAHIL maraming oras ang mga tao ngayon sa kani-kanilang tahanan, maraming trending challenges sa social media gaya ng pagpo-post ng throwback photos na may caption na Until Tomorrow na nangangahulugan na hanggang bukas lamang ang post at buburahin mo rin ito.

 

Ang mga throwback photo kasi ay kailangang medyo alanganin at nakahihiya. Game na game naman na nag-join ang Love of my Life stars na sina Coney Reyes at Tom Rodriguez sa Instagram challenge na ito. Imbes na pagtawanan, marami ang humanga sa mala-anghel na throwback photo ni Coney na kuha noong first holy communion niya na 7 years old pa lamang.

 

Samantala, mukhang nag-enjoy naman si Tom na nag-post ng sandamakmak na throwback photos simula pagkabata hanggang binata na kinaaliwan naman ng netizens.

 

Biro pa ng Kapuso actor sa caption nito, “Sa mga nagsasabing lumaki ang ulo ko, itigil n’yo na, dahil may pruweba ako rito na bata pa lang ako eh malaki na talaga ulo ko. Pang cartoons ang sukat!”

 

Mapapanood si Coney sa top-rating GMA series na Love of my Life na pansamantalang pinalitan ng My Husband’s Lover na tampok naman si Tom kasama sina Carla Abellana at Dennis Trillo tuwing gabi sa GMA Telebabad.

Rated R
ni Rommel Gonzales