Kapuso artists, inilunsad ang Panalangin sa Gitna ng COVID-19

PINANGUNAHAN ni Alden Richards kasama ang iba pang GMA Artist Center talents ang pagdulog sa pamamagitan ng Panalangin sa Gitna ng COVID-19 ni Bishop Efraim Tendero, Secretary General of the World Evangelical Alliance.

Hiniling nila ang kagalingan mula sa bitag ng karamdaman na ito pati ang karunungan na kinakailangan ng gobyerno para malutas ang mga kasalukuyang hinaharap na problema.

Taimtim na lumahok ang mga Kapuso artists na sina Yasser Marta, Kristoffer Martin,  Max Collins, Dion Ignacio, The Clash at StarStruck alumni, Ysabel Ortega, Paul Salas, Jason Abalos, Myrtle Sarrosa, at marami pang iba. Mapapanood ang kanilang panalangin sa social media pages ng GMA Network.

Rated R
ni Rommel Gonzales