Connie Sison, palaging ipinagdarasal ang mga frontliner

NAGBAHAGI ng kanyang personal na mensahe para sa mga frontliner ang Unang Hirit at Pinoy MD host na si Connie Sision.

 

Sa video message sa kanyang IG account, pinasalamatan ni Connie ang lahat ng frontliners na buong-puso pa ring ginagampanan ang kanilang trabaho para sa bayan kahit ang kapalit ay ang kaligtasan at madalas pati ng kanilang mga mahal sa buhay.

 

Batid ni Connie na hindi madali ang hinaharap ngayon ng ating kababayang frontliners. Kaya naman, patuloy ang pagsaludo ni Connie sa frontliners at patuloy siyang nananalangin para sa kanilang kaligtasan.

 

Bilang pagtatapos, ito ang sabi ng Kapuso News and Public Affairs personality: “May God protect you against all forms of danger and harm. At sana po malaman ninyo sa mensahe kong ito na hindi po kayo nag-iisa sa labang ito. God bless you and will always be praying for your safety.”

 

Nakatataba ng puso ang mensaheng ito ni Connie na sana ay makaabot sa mas marami pang frontliners natin upang patuloy silang maging matatag sa gitna ng krisis na kinakaharap ng ating bansa.

Rated R
ni Rommel Gonzales