Tonz Are atat nang magtrabaho, kaliwa’t kanan ang offers

ISA sa natengga sa kanilang bahay dahil sa Covid 19 ay ang award-winning indie actor na si Tonz Are.

Bago ang higanteng perhuwisyong hatid ng Covid 19, humahataw si Tonz sa kanyang acting career at negosyo. Kaya aminado siya na miss na miss na niya ang muling humarap sa camera.

“Yes po, miss na miss ko na talaga… miss ko na ang mag-taping and umarte sa TV. Isa pa sa nami-miss ko ay iyong sigaw ni direk na ‘Cut’ at ‘Okay, packed up!’ hehehe,” nakangiting saad niya.

Dagdag pa ni Tonz, “Ang up-coming movie ko po ay Tawabong, ako ang bida rito. Bale, sa akin po umiikot ang istorya ng movie.

“Sa SOCO (Scene of The Crime Operatives) ay regular pa rin ako, pati sa The 700 Club Asia po. My movie rin ako kay Direk Romm Burlat, iyong Ban-uk po na bale second to the lead ako.”

Bukod sa acting career, masipag talaga si Tonz dahil may negosyo siyang Tonz Tapsilogan at nakatakdang magbukas ng kanyang Milk Tea business. Ang kanyang Artizent Perfumes naman ay may launching din very soon sa selected malls.

Si Tonz din ay tumutulong bilang mentor at acting coach sa mga bata sa Binangonan, Rizal sa kanilang acting workshop ng Daydreamer Production.

ALAM MO NA!
ni Nonie Nicasio