Heart Evangelista, inaliw ang netizens sa TikTok video

UMABOT sa mahigit one million views ang TikTok video ng Kapuso star na si Heart Evangelista sa loob lamang ng isang araw.

 

Nakatatawa na ipinakita ng aktres dito kung paano niya inaaliw ang sarili habang naka-quarantine sa bahay. Sa iba’t ibang OOTDs, eleganteng gumawa ng gawaing-bahay si Heart katulad ng pagwawalis, paglalaba, at pag-aayos ng kama.

 

Hinangaan ng netizens ang pagiging creative niya at sa pagpapalaganap ng good vibes lalo na sa panahon ngayon.

 

Samantala, bukod sa mga paandar sa TikTok, tumutulong din sa maraming paraan si Heart para sa mga apektado ng global pandemic na Covid-19. Nangangalap siya ng mga donasyon para makapagbigay ng PPEs sa mga frontliner na higit na nangangailangan.

 

Gamit din ang kaniyang social media pages, personal na kinakausap ni Heart ang mga dumudulog sa kanya.

Rated R
ni Rommel Gonzales