HATAW! D'yaryo ng Bayan hatawtabloid.com
TRENDING ang GMA News pillars na sina Jessica Soho at Vicky Morales kamakailan. Ito ay matapos umani ng papuri mula sa viewers at netizens sa pagbibigay-boses sa sambayanang Filipino tungkol sa mga isyung bumabalot sa Covid-19.
Prangkahan man ang kanilang pagtatanong sa mga kausap, kasama na ang kontrobersiyal na si Sen. Koko Pimentel, hindi nawala ang pagiging professional at kalmado nina Jessica at Vicky sa gitna ng mainit na usapin sa Covid-19—bagay na lalong pinapurihan ng netizens.
Magtataka pa nga ba tayo na Peabody-awardee at isa sa mga respetadong media personality si Jessica? Umani rin lalo ng paghanga si Vicky na kahit personal na apektado sa mga nangyayari sa frontliners dahil ang kanyang ama ay isa ring doctor, ay nanatili pa ring objective at may class sa kanyang panayam sa isang ospital representative.
“Journalism at its finest” nga ang napanood nila sa 24 Oras.
Alam naman kasi nating lahat na pagdating sa pagbabalita, walang kinikilingan ang GMA 7.
Ang tweet nga ng isang netizen, “I stand GMA News anchors!”
Sure kami na ito rin ang sigaw ng marami sa atin. Maraming salamat, Jessica at Vicky, sa pagbibigay-boses sa mga Filipino!
Rated R
ni Rommel Gonzales
