HATAW! D'yaryo ng Bayan hatawtabloid.com
KANYA-KANYANG paandar ngayon ang mga filipino kung paano magpapalipas ng oras sa kani-kanilang bahay matapos magdeklara ng enhanced community quarantine ang pamahalaan bilang laban sa COVID-19.
Sa unang no-contact online fundraising event ng GMA-7 na pinangunahan ng All-Out Sundays stars noong nakaraang Linggo, ibinahagi nina Dingdong Dantes at Marian Rivera sa mga netizen kung paano ang kanilang bonding time kasama ang mga anak na sina Zia at Ziggy.
Ayon kay Dingdong, hinahati nila ang araw sa tatlo – sa umaga ay oras ng pag-aaral, sa hapon ay oras ng paglalaro, at sa gabi ang bonding time nilang apat.
Dagdag naman ni Marian, mainam ding gawan ng worksheets ang mga bata para kahit nasa bahay ay natututo.
“Ang masaya kasi ay nagkaroon kami ng oras para maka-bonding ‘yung mga anak namin,” saad naman ni Dong.
Samantala, mapapanood si Marian sa pagbibidahan niyang GMA series na First Yaya kasama si Gabby Concepcion habang si Dingdong naman ay napapanood sa Pinoy adaptation ng Korean drama na Descendants of the Sun kasama si Jennylyn Mercado.
Pansamantalang pinalitan ng Encantadia Season 2 ang DOTSPH na mapapanood tuwing gabi pagkatapos ng 24 Oras sa GMA Telebabad.
Rated R
ni Rommel Gonzales
