Kuya Dick, sa pelikula naman magpapatawa

NAKATSIKA naming ng mahaba si Kuya Dick (Roderick Paulate) sa isang bertdey party.

Hanggang ngayon nga, mayroon pa rin itong sepanx sa natapos ng serye niya sa GMA-7 na One of the Baes.

“I didn’t realize na ang dami ko pa rin palang followers, Larpi. Kasi sila ‘yung react nang matapos na ito. Hindi sa anupaman, inaabangan daw nila lagi ‘yung mga eksena ko gabi-gabi. Kaya ‘pag ‘di ako lumabas sa eksena desmayado sila.”

Wala pa namang sisimulang kasunod na serye si Kuya Dick.

Pero sa pelikula ay may in-oo-han na siya.

“That will be under Rex Tiri’s production, sa T-Rex. Shoot na kami anytime. Pero dahil sa nangyayari, baka ma-move or depende na lang kung ma-decide na pumunta in a secluded place. 

“I accepted the project kasi, cliche as it sounds, naiiba at matutuwa na naman ang mga tao when they see me do this. Hindi ko pa nga lang pwedeng idetalye. ‘Pag medyo nakausad-usad na.”

When it comes to gay roles, next to the King of Comedy na si Tito Dolphy, si Kuya Dick kasi ‘yung hands-down, laugh to the max na walang puknat, lalo na sa mga katauhang ini-essay niya as gay. In comedy, ha! Lahat talaga tumatak!

Kaya, wait and see natin, what this project is all about!

(Pilar Mateo)