HATAW! D'yaryo ng Bayan hatawtabloid.com
“STOP taping na kami muna,” ang umpisang mensahe sa amin ni Aiko Melendez sa pamamagitan ng Facebook messaging.
Isa si Aiko sa mga cast member ng Prima Donnas, top-rating program ng GMA at dahil nga sa community quarantine sa buong Metro Manila (nagsimula nitong March 15) bunga ng COVID-19, isang salot na kumakalat sa buong mundo ay inihinto muna ang taping nina Aiko at pati ang ibang serye ng GMA.
Tanong namin kay Aiko, hanggang kailan sila hindi magte-taping?
“Until ma-lift ‘yung community quarantine.”
Nitong Miyerkiles, March 11, sila huling nag-taping para sa Prima Donnas.
Tinanong namin si Aiko kung ano ang precautions nila sa pandemic na ito?
“Pinauwi kami ni VG sa Zambales buong family ko.”
Si VG ay si Zambales Vice-Governor Jhay Khonghun na kasintahan ni Aiko. Ang pamilya ni Aiko ay nasa Zambales ngayon pati ang ina niyang si Mommy Elsie, ang kapatid ni Aiko na si Angelo at mga anak na sina Andre at Marthena.
“And lahat ng bags namin may alcohol and masks. Nag-grocery na kami, ‘yung mga kailangan talaga.
“Mayroon din kaming scanner for temperature in case any of us will have any symptoms.
“Kasi sa Zambales walang COVID-19.”
Kuwento pa ng aktres, ”Dapat aalis sina Marthena and mom ko for the US this March. Wala, hold ko muna. May tickets na nga sila, eh.”
Huwebes pa ng umaga ay nasa Zambales na sina Aiko.
Bilang bahagi ng industriya, ano sa tingin ni Aiko ang epekto ng COVID-19 scare sa showbiz?
“Medyo malaki ang epekto kasi mawawalan ng work ang karamihan pansamantala. Nakakaawa ang mga crew people, ‘yung mga maliliit na manggagawa sa showbiz kasi sila ang mas higit nangangailangan ng work.”
Ang mensahe ni Aiko sa publiko, ”Ang test of faith natin huwag bibitaw kasi mas need natin magdasal!
“And we as Filipinos dapat tayong magtulungan and abide sa regulations.
“Pray instead of bashing. This too shall pass and ang resilience ng mga Pinoy hindi matatawaran kaya malalagpasan din natin ang crisis na ito basta kapit lang sa Diyos.
“And pinaka-important is not to panic.”
Rated R
ni Rommel Gonzales
