HATAW! D'yaryo ng Bayan hatawtabloid.com
PUNOMPUNO ng iyakan ang eksena ng Pamilya Ko last week kaya hindi ko ma-imagine ang ikinukuwento ni Sylvia Sanchez na nakaka-take 7 or 8 sila sa isang matinding eksena (ito ‘yung may iyakan ha) dahil sa grabeng tawanan. Paano hindi halatang bago ang mga iyakang scene eh nagtatawanan muna sila.
Pagsi-share ni Ibyang (tawag kay Sylvia), tumatagal ang kanilang taping dahil halos lahat sila’y si bungisngis lalo na silang dalawa ni Joey Marquez.
“May eksena ‘yung nasa lamesa kami sa kainan, ‘yung nag-aalala ako sa mga anak ko dahil nga kay Loida (Irma Adlawan), andoo na ‘yung maiiyak na ako, pero pagtingin ko kay Joey talagang hindi ko maiwasang hindi matawa. May tingin kasi si Joey na talagang nakakatawa,” natatawang kuwento ni Ibyang.
“Eh luko-luko rin ‘yung mga anak ko sa ‘Pamilya Ko’ kaya riot talaga lagi ang taping namin,” sambit pa ni Sylvia.
At habang kausap namin ang aktres natanong ko kung bakit pinatay si Betty (Arci Munoz) sa istorya. Aniya, kailangan iyon sa istorya. Abangan ko pa raw ang ilang eksena na grabe ang mangyayari dahil tiyak na lalo akong ngangawa.
Hmp, sabi ko kay Ibyang, nakakaloka sila lalo na ang writer ng Pamilya Ko dahil grabe magpaiyak ng viewers. Parang sadista sa pagpapa-iyak ng viewers ha ha ha.
Eniway, mas matindi ang mapapanood this week lalo’t nakalaya na si Loida kapalit ng iniaalok nitong P5-M para makalaya siya. Nangailangan ng P2-M ang pamilya Mabunga dahil sa pagkakabaril at pagka-aksidente ni Chico. Kinagat ni Joey ang matagal nang alok kaya nakalaya si Loida nang hindi nalalaman ni Sylvia.
Tsk tsk tsk, tiyak kong hindi pa rin matatapos ang problema ng pamilya Mabunga lalo’t laya na si Loida. Kawawang Mabunga fam.
SHOWBIZ KONEK
ni Maricris Valdez Nicasio
