HATAW! D'yaryo ng Bayan hatawtabloid.com
WALANG basbas ni Pangulong Rodrigo Duterte ang nilulutong military pact sa pagitan ng estados Unidos at Filipinas kapalit ng Visiting Forces Agreement (VFA).
Sinabi ni Presidential Spokesman, ayaw ni Pangulong Duterte na magkaroon ng bagong alyansang militar ang Filipinas sa Amerika.
Tugon ito ng Palasyo sa ulat na inihayag ni Philippine Ambassador to the Philippines Jose Manuel Romualdez na may ikinakasang kasunduan kapalit ng VFA.
Ayon kay Panelo, maaaring ang counterpart ni Romualdez ang gumawa ng hakbang para magkaroon ng bagong kasunduan ang Filipinas at Amerika.
Hindi kasi aniya maikakaila na ang Amerika ang pinaka-apektado sa ginawang pagbasura ni Pangulong Duterte sa VFA.
Inilinaw ni Panelo, sa ngayon ay rekomendasyon pa lang naman kay Duterte ang pagkakaroon ng bagong kasunduan.
Hindi aniya mababago ang posisyon ni Duterte na maging self reliant ang Filipinas at hindi na umasa sa ibang bansa para ipagtanggol ang sariling bayan.
(ROSE NOVENARIO)
