HATAW! D'yaryo ng Bayan hatawtabloid.com
SI Marian Rivera pala ang tipong tinitingala ni Angel Guardian sa hanay ng mga aktres ngayon. Nang usisain namin siya kung sino ang aktres na gustong sundan ang yapak, ito ang kanyang tugon.
“As much as I can po, gusto kong magkaroon ng sariling path, pero sa showbiz po ang nilo-look-up ko iyong journey ay kay Ms. Marian Rivera,” wika ni Angel.
Sino pa ang gusto niyang makatrabaho in the future?
Sambit niya, “Marami po, like my girl crushes, Heart Evangelista, Rhian Ramos and Lovi Poe.”
Si Angel ay naging introducing sa pelikulang D’ Ninang na tinampukan ni Ai Ai dela Alas. Napanood din siya sa Onanay, Sahaya, at iba pang shows ng Kapuso Network. Bukod sa pagiging aktres, siya’y isa ring singer.
Ang single niya ay pinamagatang No Sound under GMA Music. “Kaya siya No Sound, kasi story ito ng dalawang magkarelasyon, then natapos siya. And ‘yung girl nagmo-move on na siya sa guy. Gusto ko ito kasi nakaka-empower siya, lalo sa mga babae na feeling nila hindi nila kayang mag-move on by themselves, kaya natin iyan,” esplika ni Angel.
Naka-relate raw si Angel sa kanta, dahil nakaranas din siya ng break-up at kailangan mag-move on. “Before kasi noong ini-record ko iyan, nasa ganoon akong situation na kailangan ko nang magpalakas ng loob ko, na mag-move on, parang wala na akong paki. So noong ini-record ko ito, as in naramdaman ko talaga,” saad ni Angel.
ALAM MO NA!
ni Nonie Nicasio
