Digong sasalubong sa 42 Pinoys mula China

NAIS ni Pangulong Rodrigo Duterte na personal na salubungin ang mga Pinoy na ililikas mula China bago dalhin sa quarantine site sa Fort Magsaysay, Nueva Ecija sa Sabado.

Sinabi ni Cabinet Secretary Karlo Nograles, umuusad ang talakayan sa Presidential Manage­ment Staff (PMS) at Presidential Security Group (PSG) kung papayagan ang Pangulo na makahalubilo ang mga Pinoy mula sa lugar na pinagmulan nang kina­tatakutang novel corona virus.

“The President wants to be there. He’d like to be there on Saturday pero tingnan muna natin sa (let’s see with the) PMS and PSG,” aniya.

Inutusan ng Pangulo si Health Secretary Francisco Duque III na salubungin ang mga Pinoy mula China at tiyakin na magpapa­tupad ng mga hakbang upang maging ligtas ang lahat.

Nakatakdang duma­ting sa Sabado ang 42 Pinoy mula sa China sa Clark International Air­port at dadalhin sila sa Fort Magsaysay para sa 14-day mandatory quaran­tine.

(ROSE NOVENARIO)