Jayda, ‘di pa puwedeng ligawan

AYAW pa ng mag asawamg Dingdong Avanzado at Jessa Zarragoza na paligawan ang kanilang nag-Iisang anak na si Jayda Avanzado, na sinundan na rin ang yapak nila, isa ring singer.

Katwiran ng dalawa, Jayda is only 16, na para sa kanila ay bata pa to entertain suitors and to have a boyfriend.

“Ang maganda kay Jayda, alam niya kung anong priority niya sa buhay. At hindi ang magkaroon ng boyfriend,” sabi ni Jessa.

Para kay Jayda, hindi rin naman siya nagmamadaling magka-boyfriend. Kaya okey lang din sa kanya na ayaw pa siyang paligawan ng kanyang mga magulang.  Nakikinig naman siya sa payo ng mga ito especially Jessa na hindi lang ina ang turing niya, kundi isa ring best friend.

“She knows what is best for me,” sabi ni Jayda timgkol sa kanyang mommy.

Gayunman, aminado si Jayda na nagka-crush na siya. Very vocal siya sa pagsasabing crush niya si Daniel Padilla.

Bata pa lang siya at wala pa sa showbiz, ay hinahangaan niya na ang ka-loveteam at boyfriend ni Kathryn Bernado.  

MA at PA
ni Rommel Placente