HATAW! D'yaryo ng Bayan hatawtabloid.com
PINAGSELOSAN pala ni Vice Ganda si Catriona Gray. Sa Gandang Gabi Vice kasi noong Sunday, ay may game silang ginawa na tinawag na Sagot O Lagot. Ang guest ni Vice sa segment na ito, ay ang magkaibigang sina Robi Domingo at Donny Pangilinan.
Magtatanungan silang tatlo, na ang isasagot nila ay Sagot O Lagot. Pero bago ‘yun. may intrigang question, na kung gusto o kaya nilang sagutin, ay sagot ang pipiliin nila. Pero kung ayaw naman nilang sagutin, ay lagot ang pipiliin nila. Pero ‘pag ‘yun ang pinili nila, ay may challenge/punishment na ipagagawa ang nagtatanong.
Sa question kay Vice ni Robi, tanong nito, “Sino ang huling artistang pinagselosan mo?” Sagot ang pinili ni Vice, kasi ayaw niya ‘yung challenge na ii-Instagram niya ang kilikili niya ‘pag lagot ang pinili.
Sagot ni Vice, “Si Catriona. Hindi! Kasi kailan ba ito? Sunday? Oo! First time ni Catriona sa ‘Showtime,’ Monday. So, Sunday ng gabi. Sa Twitter, pagbukas ko nagkalat ‘yung pictures nilang dalawa (Ion-Catriona), ang dami.
“Noong una, wala lang naman, ka-chika ko naman si Cartriona. At saka alam ko namang wala lang ’yun. Nagkita sila somewhere, nagpa-picture. Pero ang dami. Nainis ako, at some point, hindi ko alam.
“Tinanong ko sa kanya. Sabi ko, ‘Kailan ‘to?’ Sabi niya, ‘Ay ano pa ‘yan, kapapanalo ko pa lang noong Mister Tsutsutsutsu.’ Hindi pa ako nagso-‘Showtime.’ Tapos may nakita ulit ako, ibang lugar naman, at saka ba’t ang dami? Kunwari ako magpapa-picture ako kay Catriona, sa unang pagkikita namin, ‘di ba? Pero tuwing magkikita kayo, magpapa-picture kayo?”
Tanong ni Robi kay Vice, “Nag-usap na kayo ni Catriona tungkol doon?”
“Hindi. Ang cheap-cheap naman niyon. Sasabihin ko pa ba kay Catrinona ‘yun? ‘No!” sagot ni Vice.
Tanong naman ni Donny kay Vice, “Pero hindi naman kayo nag-away ni Ion?”
“Ay hindi! Hindi naman. Hindi kami nag-aaway,” natatawang sagot ni Vice.
MA at PA
ni Rommel Placente
