HATAW! D'yaryo ng Bayan hatawtabloid.com
HINDI man nasungkit ang Miss Universe 2019 crown, binati pa rin ng Palasyo si Miss Philippines Gazini Ganados.
Ayon kay Presidential spokesman Salvador Panelo, ito ay dahil sa maayos na naipresenta ni Ganados ang Filipinas sa prestihiyosong patimpalak na ginanap sa Atlanta, Georgia sa United States of America (USA).
Ani Panelo, naipagmalaki at nagbigay ng karangalan si Ganados sa pamamagitan ng pagpapakita ng kakaibang ganda at talento ng isang Filipina.
Aniya, ang karanasan ni Ganados sa Miss Universe ay tiyak na makadaragdag sa kanyang development bilang isang beauty queen.
Hangad aniya ng Palasyo ang lahat ng kabutihan ni Ganados para sa iba pang susuungin sa buhay.
Nasa top 20 si Ganados at hindi na nakapasok sa top 10 finalists.
Si Miss South Africa Zozibini Tunzi ang itinanghal na Miss Universe 2019.
(ROSE NOVENARIO)
