Palasyo kay Leni: Tinimbang ka ngunit kulang

TINIMBANG siya ngunit kulang.

Ito ang pahayag ng Palasyo sa banta ni Vice President Leni Robredo na isisiwalat sa mga susunod na araw ang natuklasan niya kaugnay sa drug war na isinusulong ng admi­nistrasyon sa loob ng 18 araw niyang pagiging drug czar.

Sinabi ni Presidential Spokesman Salvador Panelo, malaya si Robredo na gawin ang gusto dahil lahat naman ng ‘natuk­lasan’ niya ay ibinigay sa kanya bilang drug czar.

“She can do as she pleases. Anything that she claims she has discovered was accessed to her,” ani Panelo.

Kaya nga aniya iti­nalaga si Robredo bilang drug czar upang mala­man ang lahat ng gusto niyang mabatid maliban sa tsansang makatulong sa kampanya kontra-illegal drugs.

“She was precisely appointed, apart from giving her the opportunity to assist in the campaign against illegal drugs, to let her know that everything in the drug was and is transparent,” dagdag ni Panelo.

Iginiit ni Panelo, sini­bak ni Pangulong Rodri­go Duterte si Robredo dahil kapos sa kaka­yahan bilang drug czar maliban sa kabiguan na ihayag ang sinasabi niyang mga bagong patakarang pa­ma­­lit sa tinawag niyang “ineffective method” sa paglaban sa illegal drugs.

ni ROSE NOVENARIO