Aresto vs vape user utos ni Digong

KINALAMPAG ni Pangulong Rodri­go Duterte sa Bureau of Customs (BoC) sa pagpapalusot sa bansa ng alinmang uri ng electronic cigarettes.

Ang pahayag ng Pa­ngulo ay matapos ipag-utos ang pagbabawal sa importasyon at paggamit ng vape cigarettes sa Filipinas.

Giit ng Pangulo, da­pat bantayan mabuti ng BoC ang lahat ng pali­paran at pantalan laban sa posiblidad na maipa­sok ng bansa ang vape cigarettes.

Asahan aniya ang ilalabas niyang executive order hinggil dito sa mga susunod na araw, pero sa ngayon, bawal na aniya ang paggamit nito.

Una nang inatasan ni Pangulong Duterte ang mga awtoridad na ares­to­hin ang gumagamit ng vape sa mga pampu­blikong lugar.

Ayaw ng Pangulo na malulong sa pag­gamit ng vape ang mga Pinoy dahil sa taglay nitong matin­ding toxin.

Hindi naiwasang ikom­para ng Pangulo ang vape na aniya ay nagta­tag­lay ng iba’t ibang mapanganib na kemikal na hindi nalalaman ng publiko maliban sa nico­tine, habang ang sigarilyo aniya ay nicotine lamang ang taglay.

ni ROSE NOVENARIO