Duterte workaholic — Bong Go

WORKAHOLIC si Pa­ngu­long Rodrigo Duterte kaya hindi sinunod ang payo ng mga doktor na magpahinga muna.

Ito ang sinabi ng kanyang longtime aide at ngayo’y Sen. Christopher “Bong” Go sa panayam kahapon sa Palasyo.

Bagama’t nasa Davao City aniya si  Pangulong Duterte, hindi nanga­ngahulugan na hindi siya nagtatrabaho.

Sa katunayan, ani Go, bukas ay magpu­pun­ta sila sa North Cota­bato ni Pangulong Duter­te para personal na hara­pin, pakinggan at kausa­pin ang ilang grupo ng magsasaka roon na may mga hinaing.

Ayon kay Go, kahit nasa kaniyang tahanan sa Davao City ang pangulo, ‘pag nakaisip ito ay biglang magyayaya na pumunta sila sa ilang bahagi ng Mindanao para personal na tingnan ang sitwasyon ng mga sun­dalo sa mga kampo o bumisita sa mga batang may sakit at walang makapipigil sa kanya.

Sa susunod na linggo ay balik-palasyo na si Pangulong Duterte at dadalo sa mga naka­linyang aktibidad at public appearances.

(ROSE NOVENARIO)