HATAW! D'yaryo ng Bayan hatawtabloid.com
HINAMON ni Pangulong Rodrigo Duterte si Vice President Leni Robredo na maging drug czar para patunayan ang kanyang mga suhestiyon sa pagsusulong ng drug war sa bansa.
“I do not surrender anything. I said if she wants, I can commission her to be the drug czar,” anang Pangulo sa panayam ng media kahapon sa Palasyo.
Anang Pangulo, panay ang batikos ni Robredo sa drug war kaya’t iniaalok niya na pamunuan ng kasalukuyang Bise Presidente ang anti-illegal drugs campaign ng kanyang administrasyon sa loob ng anim na buwan.
“Marami man siyang reklamo doon sa labas, o sige sabi niya you have to redirect your — or whatever parang…ngayon mas marunong ka man sa akin I’ll hand in to you, full powers sa drugs. I’ll give you six months. Tingnan natin kung kaya mo,” giit ng Pangulo.
Hihintayin ng Pangulo ang pagpayag ni Robredo sa kanyang hamon at agad na padadalhan ng sulat na nagtatalaga sa Bise Presidente bilang drug czar ng kanyang administrasyon sa loob ng anim na buwan.
“I am sending a letter to her to ES Medialdea, I will surender the power to enforce the law, ibigay ko sa VP, ibigay ko sa kanya, mga six months. Siya ang magdala, tingnan natin kung anong mangyari. Mas bright ka? Ikaw subukan mo,” dagdag ng Pangulo.
Nauna rito, tinawag ni Presidential Spokesman Salvador Panelo na “divorced from reality” si Robredo dahil sa mga pinagsasabi hinggil sa drug war at kailangan kilalanin muna ng China na mayroong soberanya ang Filipinas sa West Philippine Sea (WPS) bago ituloy ang joint oil exploration deal ng China at Filipinas sa naturang lugar.
ni ROSE NOVENARIO
