HATAW! D'yaryo ng Bayan hatawtabloid.com
BIGGEST break ng young actress na si Kira Balinger ang pagiging bahagi niya ng seryeng Pamilya Ko na tinatampukan nina Sylvia Sanchez at JM de Guzman. Mataas ang ratings nito at madalas mag-trending dahil marahil sa plot nitong pampamilya at sa husay ng mga nagsisipagganap dito. Kaya naman very vocal ang mga nakapanonood nito na talagang bumabaha ang luha nila sa serye.
Kung pasabog ang first week ng seryeng ito ng Dos, mas kaabang-abang ang mga susunod na pasabog mula nang nabunyag ang isang sekreto na gugulo sa kanilang buhay: may ibang babae ang kanilang amang si Fernan (Joey Marquez).
“I am the sixth child sa Pamilya Mabunga as Lemon,” panimulang kuwento ni Kira.
Nabanggit ni Kira ang kagalakan na muling makatrabaho ang award-winning actress na si Ms. Sylvia.
“Sobrang saya ko po na naka-work ko rito si Tita Sylvia, I’ve actually worked with Tita Sylvia sa The Greatest Love. So, to be working with her again it’s a huge honor because it’s another learning experience. I get to learn from her again and this time with a closer role. Because sa TGL, love interest ako ni Joshua (Garcia), so wala po ako masyadong eksena kasama si Tita Sylvia. So, ngayon na anak niya po ako, I get to learn more, I get to see how she really acts and connects, so, it’s a huge blessing.”
Ipinahayag din niya ang pagkabilib kay Ms. Sylvia.
“Iyong acting niya po siyempre, grrrrabeeee, hahaha! May diin talaga, ‘no? Kasi, kahit hindi siya umiiyak, kahit wala pang tulo ng luha, tingnan mo pa lang siya ay mararamdaman mo agad iyong gusto niyang ilabas sa karakter niya or sa eksena. Na kahit hindi niya kailangan umiyak sa eksena, pagtingin mo sa kanya ay kayo po ang maiiyak,” saad ni Kira.
Pinuri rin niya ang kabaitan ni Ms. Sylvia. “Sobra pong bait niya, para talagang nanay siya sa amin. Minsan, sisilip siya sa amin, ‘Uy, kain kayo sa tent ko,’ napi-feel po talaga namin ang pagka-mommy niya sa amin. She’s very generous, very kind and she’s very encouraging, she encourage us to do our best and to learn.”
Incidentally, mapapanood din si Kira sa pelikulang G! na showing na ngayon as entry sa 3rd Pista ng Pelikulang Pililipino. Dito’y gumanap siya bilang GF ng bidang si McCoy de Leon na may taning na ang buhay dahil sa cancer. Sa direksiyon ni Dondon Santos, tampok din dito sina Mark Oblea, Paulo Angeles, at Jameson Blake.
ALAM MO NA!
ni Nonie Nicasio
