Wednesday , August 13 2025

Digong bilib kay ‘Yorme’ (Mas mahusay sa akin — Duterte)

“BILIB ako sa kanya, mas mahusay siya sa akin.”

Ito ang pahayag ni Pangulong Rodrigo Du­ter­te kaugnay sa per­formance ni Manila Mayor Isko Moreno.

Ayon sa Pangulo, hinahangaan niya ang pagsusumikap ni Moreno sa pagganap ng kanyang tungkulin bilang alkalde ng Manila.

“May nakita ako na mas mahusay ang resolve niya sa akin. Plus two ako sa kanya,” dagdag ng Pangulo.

Nagpasalamat si Moreno sa magagandang sinabi ng Pangulo tungkol sa kanya.

Anang alkalde, inspi­rasyon niya ang Pangulo sa uri ng lideratong ipina­tutupad niya sa Maynila.

“Thank you for the kind words, Mr. President, but to be really honest, isa po kayo sa mga naging inspi­rasyon ko sa kung ano mang klase ng liderato na mayroon kami,” ani Moreno.

Kuwento ng alkalde, kahit naninigarilyo siya, napipigil niya ito kapag nasa Davao City dahil takot siyang mahuli.

Mahigpit na ipina­tutupad ang “no smoking” ordinance sa Davao City.

“Naalala ko po noong lagi akong nagagawi sa Davao noong araw. ‘Di naman po lingid sa kaalaman ng karamihan, lalong-lalo na ‘yung mga taga-Maynila na ako po ay naninigarilyo. Pero kapag nasa Davao City po ako, takot na takot po akong manigarilyo dahil alam ko pong huhulihin ako,” sabi ni Moreno.

Dagdag niya, hanga rin siya sa mahigpit na implementasyon ng 40 kph speed limit sa Davao City at ang pagsunod ng mga mamamayan sa batas kahit walang naka­bantay na mga pulis sa kalye at kanit anong oras.

“In fact, there was one time, galing po kami ng Tagum, pabalik ng Davao City. Medyo dis­oras na ng gabi, pero biglang bumagal po ang takbo ng sasakyan namin so tinanong namin ‘yung driver kung bakit.

Simple lang ‘yung sagot niya, “Kasi po nasa Davao City na tayo. Kahit gabi ho rito, may pulis man o wala, sumusunod kami sa batas trapiko,” anang alkalde.

Ang klase aniya ng pamumuno ng mga lokal na opisyal sa buong bansa ay repleksiyon ng liderato ng Pangulo kaya’t ganoon na lamang ang pagpa­pasalamat niya sa inspi­rasyong ibinigay ni Pangulong Duterte sa kanila.

“So I think kung ano man ang nakikita nating pagpupursigi ng mga alkalde sa buong Fili­pinas, hindi lang po ako, ay reflection lamang ng klase ng liderato at Pa­ngu­lo na mayron tayo. As I always say, it is not the severity of the punish­ment itself, but the certainty of getting caught that deters a person from committing a crime. So we owe it to you Mr. President, for inspi­ring us and for becoming a good example to all of us,” giit ni Moreno.

(ROSE NOVENARIO)

Krystall Herbal Products and FGO Branches

About Rose Novenario

Check Also

QCPD Quezon City

Paslit kinidnap ng yaya nailigtas

NAILIGTAS ng mga operatiba ng Quezon City Police District (QCPD) ang 3-anyos bata habang naaresto …

Goitia

Chairman Goitia:
Katotohanan, sandata laban sa kasinungalingan ng Tsina 

SA ISANG eksklusibong panayam kay Dr. Jose Antonio Goitia, na nagsisilbing Chairman Emeritus ng apat …

Bauertek Filipino inventors wins 3 golds at the Silicon Valley International Invention Festival

“Filipino inventors wins 3 golds at the Silicon Valley International Invention Festival”

 Filipino Inventors shine bright in the recently concluded 4th Silicon Valley International Inventions Festival, held …

DOST-CAR hosts back-to-back events in Baguio City to champion resilience and innovation in Luzon

DOST-CAR hosts back-to-back events in Baguio City to champion resilience and innovation in Luzon

Baguio City – The Department of Science and Technology – Cordillera Administrative Region (DOST-CAR) have …

Philippine Sports Commission PSC

PSC: Mga Rehiyonal na Sentro ng Pagsasanay, Susi sa Patuloy na Tagumpay                                                                                                                                                              

CHENGDU, China — Nais ni Philippine Sports Commission (PSC) chairman na si Patrick Gregorio na …

Leave a Reply

Your email address will not be published. Required fields are marked *