HATAW! D'yaryo ng Bayan hatawtabloid.com
MARAMI ang nakakapansin sa paglaki ng katawan ni Angel Locsin kaya palagi itong nagsusuot ng jacket sa kanyang matagumpay na serye, ang The General’s Daughter. May nagsasabi naman ng pabiro na masarap mag-alaga ang karelasyon nitong young businessman na si Neil Arce.
Sabi ng isang nakatrabaho ni Neil sa kanyang produksiyon, napakasuwerte ni Angel dahil napakaresponsableng lalaki ang pakakasalan nito. “Nakatrabaho na namin siya, kapag may sinabi siya, tinutupad niya.
“Huwag na ang sobrang yaman ni Neil, nag-iisang tagapagmana kasi siya ng family nila, hindi ‘yun mauubusan! Kaya nga noong napabalitang mayroon daw siyang malaking pagkakautang, eh, tinawanan lang niya ang balita.”
Kaya naman, walang dapat ipag-alala ang mga tagasuporta ni Angel sa kanyang magiging kinabukasan sa poder ni Neil dahil tiyak magbubuhay reyna ito.
Sa parte naman ni Niel, inamin nitong binago siya ni Angel. Tinuruan siya nitong ingatan ang kalusugan at maging physically fit. Sinunod iyon ni Niel dahil ayaw makitang malungkot ang aktres dahil sa pag-aalala.
Inamin pa nitong sobra niyang mahal ang kanyang fiancee at malaki ang pagpapasalamat na ngayon ay bahagi na ng kanyang buhay ang aktres. (ALEX DATU)
