Meeting ni Panelo sa Sanchez family, not once, but twice

DALAWANG beses binisita ng pamilya ni convicted rapist-killer at dating Calauan Mayor Antonio Sanchez si Presidential Spokesman Salvador Panelo sa Mala­cañang noong nakalipas na Pebrero.

Ito ang nakasaad sa logbook ng security guard sa New Executive Buil­ding sa Malacañang Com­plex na kinaroroonan ng Office of the Pre­sidential Spokesman.

Nakatala sa logbook, unang nagpunta si Elvira Sanchez sa opisina ni Panelo noong 07 Pebrero, 10:30 am, at pangalawa noong 26 Pebrero, 10:12 am kasama ang kanyang anak na si Marie Anto­nelvie.

Kinompirma ni Pane­lo, dalawang beses siyang binisita ng mga Sanchez ngunit “official commu­nication” ito at hindi personal.

Kamakalawa ay sina­bi ni Panelo na isang pag­ka­katon lang siya naki­pag-meeting sa mga Sanchez.

Nabunyag sa Senate hearing kamakalawa na nagpagadala ng referal letter sa Board of Pardons and Parole si Panelo para sa hirit na executive clemency ng pamilya Sanchez sa convicted rapist-killer.

(ROSE NOVENARIO)