Thursday , December 19 2024

Arci, ngumangawa sa break-up nila ng businessman BF

ILANG beses kayang iiyak si Arci Muñoz sa harap ng kamera sa tuwing sasagutin n’ya ang tanong kung bakit nag-break sila ng businessman boyfriend n’yang si Anthony Ng?

Ginawa n’ya ‘yon noong nakaraang Biyernes sa Tonight With Boy Abunda, na ang purpose ng paggi-guest n’ya ay para i-promote ang pelikula nila ni JC Santos, ang Open na entry nila sa paparating na 2019 Pista ng Pelikulang Pilipino ngayong Setyembre. ‘Pag ginawa n’ya pa uli ‘yon, magmumukhang gimmick lang ang break-up na ‘yon para sa pelikulang ipino-promote nila.

Sa trailer kasi ng pelikula, may mga eksenang umiiyak-iyak din si Arci (bilang ang character na si Rome) dahil iiwan siya ni JC (bilang Ethan) kung ‘di siya papayag sa “open” na relationship nila.

Ang ibig sabihin ng “open” sa istorya ay kahit na magka-live-in na sina Rome at Ethan, pwede silang pumatol at makipag-sex sa iba. Ipinasya nila ‘yon sa ika-14 taon nilang pagli-live-in. Mas enjoy si Ethan kaysa kay Rome sa arrangement na ‘yon lalo pa’t nakahanap si Ethan ng isang matronang maalindog at mahilig sa sex (na ginagampanan ni Ina Raymundo).

Eh mukhang madadalas ang paggi-guest ni Arci sa Kapamilya Network shows na pwedeng mag-promote dahil isa pala ang Black Sheep Films sa producer ng pelikula (at ‘yung isa pa ay ang TRex Films). Alam n’yo na sigurong pag-aari rin ng ABS-CBN ang Black Sheep.

At may isa pang dahilan para makapag-guest sa iba’t ibang TV shows si Arci, nasa regular cast din siya ng isang bagong weekly sitcom sa ABS-CBN, ang Pamilya Ko, na katambal n’ya si JM de Guzman.

Sincere naman siguro si Arci sa pag-iyak n’ya tungkol sa pagbi-break nila ng boyfriend n’ya. Pero ‘di bagay sa lagi n’yang ipinu-project sa mga press conference at sa iba pang interbyu sa kanya na biba siya at masayahin.

At saka bakit na n’ya kasi itinapat ang pagbi-break sa panahong kailangan siyang mag-promote ng pelikula at bagong TV show? At siya ba ang nang-iwan o siya ang iniwan?

Sabi n’ya kay Boy Abunda, wala namang third party na involve at mababaw lang ang dahilan ng paghihiwalay nila (pagkatapos ng dalawang taon nilang relasyon).

Naku, Arci, huwag ka nang iyak nang iyak. Marami ka namang showbiz projects, eh. Mas problematic ‘yung wala ka na ngang pag-ibig, wala ka ring trabaho.   (DANNY VIBAS)

About Danny Vibas

Check Also

Vilma Santos Liza Araneta Marcos Tirso Cruz III Christopher de Leon

Unang Ginang Liza Marcos pangungunahan pag-angat naghihingalong industriya ng pelikula 

HATAWANni Ed de Leon NGAYON lang yata muli tinitingnan nang husto ng gobyerno ang entertainment …

Marco Gallo Heaven Peralejo

Heaven at Marco ‘hiwalay’ muna ngayong Pasko 

I-FLEXni Jun Nardo BAD break up ang nangyari kina Heaven Peralejo at aktor boyfriend nito. Naging mitsa …

Yasmien Kurdi Ayesha

Yasmien, Sec Sonny magkikita pambu-bully sa anak pag-uusapan 

HATAWANni Ed de Leon MAKIKIPAGKITA at handang makipagtulungan ang aktres na si Yasmien Kurdi sa DepEd na …

Nadia Montenegro  Sophia Baron Geisler Mikee Quintos

Sophia sa pagpapalit ng apelyido — I’m very proud sa kung anong mayroon ako ngayon

MA at PAni Rommel Placente SA guesting ng mag-inang Nadia Montenegro at Sophia sa Lutong Bahay hosted by Mikee Quintos, napag-usapan ang  …

Bong Revilla Jr Beauty Gonzalez Walang Matigas Na Pulis sa Matinik Na Misis

Bong sa magpapakilalang anak: aakuin at hindi ikinahihiya

SHOWBIZ KONEKni Maricris Valdez Nicasio KAHANGA-HANGA ang ginawang pag-amin ni Sen Bong Revilla nang matanong kung …

Leave a Reply

Your email address will not be published. Required fields are marked *