Daniel, frozen delight na nga ba sa ABS-CBN?

NAPAISIP kami nang may nagtanong sa amin kung bakit walang ginagawang project ngayon si Daniel Padilla simula noong humingi ito ng isang buwang leave sa ABS-CBN dahil tumulong sa pangangampanya ng amang si Rommel Padilla na tumakbong Congressman sa Nueva Ecija.

Ang masaklap, medyo hindi kinaya ng power ng aktor para maipanalo  ang ama.

Dapat may kasunod na ang mega hit na The Hows Of Us nina Daniel at Kathryn Bernardo lalo pa’t ito ang itinanghal na Box Office Hit of All Time but instead, marami ang nagulat dahil si Alden Richards ang kinuha ng Star Cinema para itambal kay Kathryn to think na taga-kabilang network ang kapareha.

Heto pa, kinuha rin si Maine Mendoza ng Black Sheep, isang unit production ng Star Cinema na dapat si Daniel ang kinuhang leading man para magandang pantapat sa Kathryn-Alden pero ang kinuha ay si Carlo Aquino.

At heto pa, may balitang may kasunod na pelikula agad si Alden sa Star Cinema.

Paano na si Daniel, anong naghinitay sa kanya?

Ang masaklap dito ay mabalitaan natin na gagawa muli ng movie sina Kathryn at Alden dahil sa promo pa lang ng Hello, Love, Goodbye ay ramdam na ang pagiging monster hit nito at posibleng mag-level-up sa kinita ng The Hows Of Us.

Base sa tsika ng aming source, tila frozen delight daw ang aktor dahil  sa  leave of absence.

Well, kung totoo man ito, puwede naming paniwalaang producer na si Daniel ng isang album at music video ng kanyang kapatid. As in, sarili nitong pera ang ginastos sa project under Star Music.

Dagdag pa, just recently, nakipag-meeting ito kay Director Red Mikhail para sa isang pelikula. Ang tanong ngayon, under ba ito ng Star Cinema o Black Sheep? Kung hindi, posibleng under his own production outfit  at sariling gastos.

Well, abangan!

STARNEWS UPLOAD
ni Alex Datu