Gerald at Maja, nagkaroon ba ng closure?

WALA kayang ipinagkaiba ang pinagdaanan ni Maja Salvador kay Bea Alonzo na hindi nagkaroon ng closure ang relasyon kay Gerald Anderson? Base sa pangyayari, nasabi ni Bea na tama na ang isang pagkakamali ni Gerald para mapagbigyan ng another chance dahil pangalawang pagkakamali na ito ng actor.

Naging magkarelasyon din sina Maja at Gerald noong 2013 pero wala kaming idea kung inabot sila ng isang taon dahil hindi namin ito nasubaybayan. Nagulat na lang kami na hiwalay na sila na ang rason ay nasasakal na ang aktor sa sobrang selosa ng aktres.

Sa interview kay Maja, natanong siya kung ano ang masasabi sa kanyang ex na naging dahilan para magkanya-kanyang landas ang dating  magkaibigang Maja at Kim Chiu.

Aniya, “Ayaw ko nang sumali. Masaya ako. Ayaw ko nang sumali, ayaw ko nang sumagot. (Ang) sa akin, kung pwede lang po, wala na ako r’yan.

“Sana hayaan nating silang lahat mag-heal dahil hindi madali ang may pinagdaraanan, so ‘wag na tayong sumabay, ‘wag na nating gatungan kasi at the end of the day, lahat tayo tao na nasasaktan at marami tayong mga bagay na mas kailangan na asikasuhin na mas importante.”

Hindi natin masisisi si Maja kung ayaw nitong mapasali sa kontrobersiya dahil masaya siya ngayon na nagkabalikan sila ni Rambo Nuñez noong Marso pa.

STARNEWS UPLOAD
ni Alex Datu