HATAW! D'yaryo ng Bayan hatawtabloid.com
DALAWANG singles ni Gene Juanich ang kabilang sa 10 cuts ng OST ng pelikulang Spoken Words. Ito ay released ng Viva Records at isang various artists album.
“Ang titles po is May Nanalo na Besh, upbeat novelty song po siya and Bakit di ko Nakita, na isa pong OPM ballad. Released na po siya in all digital musicstores like iTunes, Spotify, Deezer, Applemusic, and Amazonmusic. Iyong official lyric video ng May Nanalo na Besh will soon be uploaded sa Youtube by Viva,” saad ng singer/songwriter na si Gene na naka-base sa Riyadh, Saudi Arabia.
Dagdag niya, “Bale nagge-guest po ako sa iba’t ibang Filcom events dito sa Saudi. Most recently po sa grand opening ng Nesto Hypermarket at Villagio Mall in Riyadh na kinanta ko po ang carrier single ko na May Nanalo na Besh. Ako rin po ang manager/voice coach & mentor ni Lara Lisondra sa Riyadh. Kami po ni Lara ay mina-manage po sa ‘Pinas ni direk Ronald Abad ng RLTV Productions.”
Ilang songs na ang na-compose niya? “Bale more or less, nakaka-twenty songs na po siguro. Bale ang music genre ko po is Pop-Ballad.”
Sinong artists ang dream niyang gawan ng kanta someday? “Dream ko po makagawa ng kanta para kina Sarah Geronimo, Erik Santos, Angeline Quinto, Morissette Amon and siyempre po, sa aking ultimate idol na si Ms. Lea Salonga kung mabibigyan po ng pagkakataon dahil sobrang hilig ko po talaga sa Broadway musicals. Sa foreign artists ang mga favorite ko is Michael Buble, Shawn Mendez, Josh Groban, Mariah Carey, at Celine Dion,” esplika ni Gene.
“Nagpapasalamat din po ako sa mga taong sumuporta at tumulong sa akin, like Mr. Ricky Pacquing of Philippine Airlines, KSA, Christian Duff, Friendi mobile, Adonis Tabanda, Direk Ronald Abad, Jorge Demafeliz, at sa parents ni Lara na sina ate Melva at kuya Wilfredo ‘Loy’ Lisondra, Riyadh Elite Dancers, Jeanrose Cabradilla, Albert Gallardo, ambassador Adnan Alonto of Phil. Embassy of Riyadh and the entire embassy staff po.
“Salamat din sa nag-back up dancer po sa akin during my guesting, ‘yung Xtreme Zumba dancers,” aniya.
Sa ngayon ay tinatapos ni Gene ang isa pang kanta para makompleto na ang five songs para sa kanyang solo album under Viva Records.
ALAM MO NA!
ni Nonie Nicasio
