HATAW! D'yaryo ng Bayan hatawtabloid.com
KUNG pag-aaralan ng mga sikat na love team noong araw, may mga grupong sinasabing ang nagdadala ay ang matinee idol o ang artistang lalaki. Una na nga riyan iyong KathNiel, dahil sa totoo lang mas nauna si Kathryn Bernardo kaysa kay Daniel Padilla, at hindi naman siya ganoon kasikat bago sila naging magka-love team.
Ganoon din ang sinasabi nila roon sa JaDine. Matagal na kasi si Nadine pero hindi naman siya sumikat nang ganyan hanggang hindi siya naitambal kay James Reid.
Baliktad naman ang sinasabi nila noong biglang sumikat iyong AlDub. Kasi si Alden Richards ang matagal na sa showbusiness at hindi naman sumikat nang ganoon bago niya nakatambal si Maine Mendoza.
Ngayon napag-uusapan na rin iyong Liz-Quen dahil naging malaking hit ang kanilang pelikula, at aminin natin na matagal nang nauna si Enrique Gilat hindi naman siya sumikat nang ganyan bago siya naitambal kay Liza Soberano. Ibig sabihin, sa love team nila si Liza ang nagdadala.
Kagaya rin iyan ng Guy and Pip noong araw, o noong Vi and Bot. Kaya nga sinasabi noon na ang pinakasikat na matinee idol ay kasing sikat lamang ng kung sino man ang leading lady niya. Bagama’t may mga pagkakataong nabaliktad nga iyan dahil mas sumikat ang actor kaysa leading lady. Pero sa kaso nitong LizQuen, kagaya rin ng AlDub, mas sikat ang leading lady.
Kasi noong lumitaw iyang si Liza, ang napansin agad napakaganda niya eh, at sa totoo lang matagal na tayong walang artistang ganyan ang mukha. Iyong huling magandang mukha na lumitaw ay noon pang panahon nina Dawn Zulueta at Gretchen Barretto. Bago iyon, panahon pa nina Hilda Koronel at Marianne dela Riva. At matapos ang ilang dekada rin, biglang litaw iyang si Liza, kaya naman marami ang nagulat at bigla siyang sumikat.
Ewan kung sino ang aangal, pero kami ang paniwala namin si Liza talaga ang nagdadala sa kanilang love team sa ngayon.
HATAWAN
ni Ed de Leon
