Karapatan binatikos si Duterte sa pag-aresto kay Maria Rezza

KINONDENA kahapon ng human rights watch­dog Karapatan ang administrasyong Duterte kaugnay sa pag-aresto sa CEO at executive editor ng Rappler sa kasong cyberlibel.

Ayon sa Karapatan, ang kaso kay Maria Rezza at sa Rappler ay malinaw na isyu ng freedom of expression sa bansa.

Kinuwestiyon ni Karapatan secretary general Cristina Palabay ang Malacañang na nagsabing ang pag-aresto ay walang kaugnayan sa freedom of expression at sa pagsupil sa karapatan ng media.

“The Ressa episode is indicative of a vindictive government which is intent on dominating all forms of media with its own twisted narratives, while simultaneously cutting off any platform for others to express alternative opinions. Evidence-based findings that prove critical to the anti-people campaigns of the regime are shut down while fake news and deliberate lies are massively peddled by state-backed keyboard warriors,” pahayag ni Palabay.

Giit ni Palabay, ang pag-aresto at pagsa­sampa ng kaso kay Maria Rezza ay patunay na ang Anti-Cybercrime Act kasama na ang criminal­ization ng libel ay ginawa para ipitin ang mga kritiko ng administrsyong Duterte.

Pinatunayan aniya ng pag-aresto kay Rezza na ang administrsyon ay handang supilin ang kara­patan ng media sa pamamagitan ng baluktot na hudikatura.

Inaresto si Rezza, Miyerkoles ng hapon sa kasong cyberlibel kaugnay ng paglabas ng isang balita patungkol sa pagga­mit umano ni dating Chief Justice Renato Corona ng mga mama­haling sasakyan na pag-aari ng isang Wilfredo Keng.

Ayon kay Erin Tañada, abogado, na tumatakbo para senador sa ilalim ng oposisyong Otso Diretso , lumabas ang balita sa Rappler bago pa naging batas ang Anti-Cybercrime Law.

(GERRY BALDO)