HATAW! D'yaryo ng Bayan hatawtabloid.com
INTRODUCING ang newcomer na si Uno Santiago sa pelikulang Jesusa na mula sa pamamahala ni Direk Ronald Carballo. Ito’y prodyus ng OEPM (Oeuvre Events and Production Management) na pag-aari ng magkapatid na sina Jean Rayos-Hidalgo at Junnel Rayos.
Ang naturang pelikula ay pinagbibidahan ng award-winning actress na si Ms. Sylvia Sanchez. Ano ang masasabi ni Uno sa premyadong Kapamilya aktres?
Saad niya, “Ms. Sylvia is a very good actress. She’s very nice and supportive po sa akin. Noong una po, I got intimidated dahil first movie ko po and si Ms. Sylvia ang kaeksena ko, pero na-relax po ako when Ms. Sylvia told me that it’s okay to commit mistakes. It’s natural.
“Kinabahan po ako at first, pero nawala po ‘yun noong pinangaralan niya po ako. She’s very supportive dahil inaalalayan niya po ako. Sabi niya po sa akin na huwag daw akong kabahan dahil kapag kabado raw po, hindi ko maibibigay ang best ko. And it’s true, with her guidance, nai-deliver ko po ang mga linya ko nang maayos,” nakangiting wika ni Uno.
Ano ang papel niya sa movie? “Ako po si Karlo rito, volunteer sa rehab na gagabayan si Jesusa. Mabait na tao si Karlo and commited siya na tulungan ang mga under the influence of drugs.”
Ang iba pang nasa casts ng Jesusa ay sina Allen Dizon, Ynez Veneracion, Mara Lopez, Empress Schuck, Malu Barry, Vince Tañada, Mon Confiado, at iba pa. Planong itaon ang showing ng Jesusa sa Mother’s Day.
ALAM MO NA!
ni Nonie Nicasio
