Liza, ‘di ‘kadugo’ ang ipagbubuntis

SIGURO nga, masasabi ring anak na nila iyon ni Liza Dino, dahil kung sakali siya ang magdadala niyon sa kanyang sinapupunan, pero kung iisipin hindi rin eh. Kasi nagmula ang binhi ng babae kay Ice Seguerra. Ang magfe-fertilize niyon ay sperm ng napili nilang sperm donor mula raw sa America.

Sa America kasi may mga tinatawag na sperm bank. May mga lalaking nagdo-donate ng kanilang sperm, inilalagay iyon sa isang sperm bank, naka-freezer iyon, at oras namang may babaeng gustong magkaroon ng anak na walang kakayahan ang asawa, roon sila kukuha ng donor.

Malaki ang bayad sa sperm bank. Una iyong mga donor, may natatanggap din naman iyong bayad. Kilala rin ang kanilang identity para makapili ang recipient kung sino at ano ang hitsura ng sperm donor na gusto niya.

May naniniwala kasi na ang hitsura, at maaaring maging ang character ng totoong tatay ay namamana ng magiging anak niya, kanino mang sinapupunan iyon itanim. Hindi ba maski na sila sinasabing namili ng isang matangkad na sperm donor para hindi naman kasing laki ni Ice ang kanilang maging anak.

Isa pa, kailangang maging malakas ang sperm ng lalaki, at sariwa naman ang egg cell ng babae para mabuo iyon sa laboratory, at maisaksak naman sa sinapupunan ng isang babae. Kung hindi uulitin pa ang tusok. Usually may naihahanda naman silang mga apat o limang “fertilized egg cells” ng isang babae mula sa sperm ng donor, para kung hindi nga mabuo sa una, may mapagkukunan pa.

Sa sistemang iyan, maliwanag na ang egg cell galing kay Ice, at iyong sperm ay galing sa isang donor. Sa halip na kay Ice, ipapasok ang fertilized egg kay Liza para siya ang magbuntis. Pero siya man ang nagbuntis, wala siyang lahi roon sa fetus na iyon. Pero kung ang paniniwala nila ay siya naman ang nagbuntis kaya anak niya iyon, eh ‘di sige na lang. Bahala sila. Pera naman nila ang ginagasta nila.

HATAWAN
ni Ed de Leon