HATAW! D'yaryo ng Bayan hatawtabloid.com
SHOWING na ngayon sa mga sinehan ang pelikulang Born Beautiful na tinatampukan ni Martin del Rosario with Kiko Matos, Akihiro Blanco, Chai Fonacier, Lou Veloso, Elora Espano, VJ Mendoza, at iba pa. May special participation sa movie ang versatile na si Paolo Ballesteros.
Isa sa kagigiliwan sa pelikulang ito ni Direk Perci Intalan ay si VJ. Inusisa namin siya kung ano ang role sa movie at kung pang-ilang pelikula na niya ito.
Saad ni VJ, “Gumaganap ako rito bilang si Princess, ang BFF ni Barbs na not so brainy but oh so very pretty!”
Dagdag niya, “Last year po nakagawa ako ng So Connected for Regal Films, tapos Kung Paano Siya Nawala from TBA Studios. Pero so far, ito na po ang pinakamarkadong role ko sa pelikula.
“Nagsimula po ako sa commercials, hanggang ngayon mayroon po akong naka-air like Selecta Cornetto at Manulife. I think nagsimula po ako sa showbiz back in 2013, tapos nagsimula ako mag-TV mga thgree years ago.”
Paano niya ide-describe ang kanilang pelikula? “Ang pelikula ay tungkol sa finding happiness in who you are, na hindi mo kailangan magbago para maging masaya ka.”
Ano ang masasabi niya kina Martin at Direk Perci? “Si Martin ay napakagaling na aktor talaga. And nag-work na sobrang finesse iyong atake niya kay Barbs. Salamat kay direk Perci sa opportunity na mapabilang sa sequel na ito. I think nag-grow ako as an actor, after this I wish ay patuloy kong maibahagi ang aking art thru films.”
Hatid ng Cignal Entertainment, Octobertrain Films at ng The IdeaFirst Company, ang Born Beautiful ay mapapanood na sa mga sinehan starting today, January 23, at may R-16 rating ito kaya palabas din ito sa SM cinemas.
ALAM MO NA!
ni Nonie Nicasio
