HATAW! D'yaryo ng Bayan hatawtabloid.com
HUMAHATAW ang showbiz career ni James Merquise ngayong 2019. Sobrang thankful nga ng actor sa kaliwa’t kanang projects na pinagkakaabalahan ngayon.
“Sobrang blessed po ako ngayong 2019, kahit kasisimula pa lang ng taon. Natutuwa naman ako dahil nitong November and December ay medyo mahina talaga ang ano namin… more on workshops po kami, pine-prepare po kasi kami.
“Para this year nga po, para sa mga projects na gagawin namin. Kasi, hindi naman po siya basta-basta movie at malalaking projects po ito at malalaking producers din po ang papasok, mga kasosyo bale,” pahayag ni James.
Wika niya, “Sa Shining Star Productions at KSP Productions (KSP-Kamalayan sa Sining at Pag-arte) po ito at ang pinaka-head namin doon ay si Direk Jess Land. Kabilang sa project na ito ay ‘yung Liwanag na pinagbibidahan ni Cogie Domingo, pulis din po ako roon. Parang package deal, pero nagkataon lang po iyon, dahil iyon talaga ang ibinibigay nila sa akin, e.
“Doon sa dalawa pa naming movie, ‘yung Ngitngit at Wind Chime, pulis din po ako. Iyong Liwanag, medyo drama ito na ang story niya, kumbaga iyong masasamang tao o naging member ng sindikato, may pagkakataon silang magbagong buhay.
“Iyong Ngitngit naman, parang thriller-suspense na may kaunting action din po. Then ‘yung Wind Chime, horror po siya. Lahat po ng movies na ito, ang direktor ay si Direk Jess Land.”
Pahabol na kuwento ni James, “Actually, this year ay parang sobrang daming films na gagawin namin, mayroon pa po kaming Kardong Kidlat at ‘yung Enforcer. May paparating pa po kaming TV series, baka sa channel 5 po. Bale dalawang TV series po iyon, although niluluto pa po at kay Direk Jess din po ito.
“Kaya thankful po ako sa bagong production outfit na napasukan ko, na binigyan nila ako ng chance para maipakita ko ang talent ko. Masayang-masaya po ako at nagpapasalamat sa lahat ng tumutulong sa akin.”
ALAM MO NA!
ni Nonie Nicasio
