ABS-CBN, sumusubok pumasok sa iba’t ibang media platforms

BAGO ang kanilang Christmas party, pinapunta muna ng ABS-CBN sa kanilang Studio Experience, isang gaming attraction sa isang Quezon City mall. Ang tema ng kanilang mga attraction ay mga show ng ABS-CBN. Ganito rin ang narinig naming plano nilang itayo, nang mas malaki sa San Jose del Monte Bulacan, na inaasahang lilipat ang network mula sa kanilang studios sa Quezon City.

Isa rin iyan sa mga bagong negosyo ng ABS-CBN na sinusubukan nilang palakihin. Marami silang sinusubukang mga negosyo ngayon, kabilang na nga rin diyan ang pagpasok nila sa iba’t ibang media platforms. Kabilang na ang ilang internet applications na maaaring mapanood ang kanilang shows anumang oras, at ang mga pelikula nila  ng libre. Ngayon ay sinasabi nilang malaki na ang kanilang audience sa internet. Sinasabing paghahanda iyan, kung sakali mang totohanin ng gobyerno na hindi na sila bigyan ng broadcast franchise sa 2020.

HATAWAN!
ni Ed de Leon