HATAW! D'yaryo ng Bayan hatawtabloid.com
LAHAT sa siyam na JAMS Top Model 2018 winners na iprinisinta sa amin kamakailan ng may-ari nitong sina Maricar Moina at Jojo Flores ay gustong makapasok sa showbiz.
Kaya naman nagpapasalamat sila sa pagkakasama at sa ginagawang pagsasanay sa kanila ng JAMS Artist Production para mahasa ang mga talentong mayroon sila.
Tulad nga ng kanilang pangako, “Transforming beauty with modesty.” Sinasanay nila ang mga alaga nila para maging isang magaling na modelo.
Ani Maricar, sasanayin nila ang kanilang mga alaga sa kanilang modeling career at lilibutin nila ang buong ‘Pinas para ipakita ang pagiging isang mabuti nilang ehemplo.
Kaya naman nagpapasalamat sila sa mga nagtitiwala para maiskatuparan ang adhikain gayundin sa mga nagbigay ng pagkakataon para tuparin ng mga kabataan ang kanilang pangarap.
Idinagdag pa ni Maricar, na ang mga nagsipagwagi sa kanilang patimpalak ay magiging ambassador ng mga business partner ng JAMS Top tulad ng Grovic Pharma Inc., Idara Wellness Lounge and Travellers Deal Inc., at iba pa.
Giit pa ni Maricar, nag-audition ang mga kabataang sumailalim sa kanilang patimpalak. ”Ipakita naming na kaya kami nag-screening para mas ma-upgrade. Binigyan naming sila ng chance na maging top model hindi lang sa paglalakad, overall pa. Gusto rin naming mabigyan sila ng chance na magkaroon sila ng iba’t ibang projects thru endorsement.”
Sinabi pa ni Maricar na sasailalim din ang siyam na nanalo sa JAMS Top Model 2018 na ginanap ang Grand Gala Night noong Nobyembre 19 sa MOA Arena, sa acting at singing workshop.
Ang siyam na nagwagi sa JAMS Top Model 2018 ay sina Mien Kloppers (Category 1 Grand Winner); Miguel Enrico Gochuico, (Category 2 Grand Winner); at Maharlika Aquino Santos, (Category 3 Grand Winner).
Ang category 1 ay may edad 6-9, samantalang ang category 2 ay 10-15, at ang category 3 naman ay 16-25.
Narito pa ang ibang nagsipagwagi:CATEGORY1—1st Runner up—Renzie liboon; 2nd Runner up—Liann Xndrah N. Gappi; CATEGORY2—1st Runner up—Ancient Tabora; 2nd Runner up—Alecsa Julie Cang; CATEGORY3—1st Runner Up—Sheina Fitzsimmons; 2nd Runner Up—Louise Cruz.
SHOWBIZ KONEK
ni Maricris Valdez Nicasio
