HATAW! D'yaryo ng Bayan hatawtabloid.com
EXCITED na ang newbie singer na si Macoy Mendoza sa paglabas ng kanyang first single. Ang title nito ay Pwede Kaya at ayon sa 18-year old na si Macoy, ito ay isang ballad na love song na pang-masa ang dating.
Pahayag ni Macoy, “Isa po (siyang) love song na sa tingin ko po ay papatok para sa lahat, kasi relatable po ang (kanyang) lyrics na puwede sa lahat na edad, pang masa po (siya).
“Sa ngayon po we are working sa aking first ever single, but we still don’t know kung kailan ang exact date na ire-release ito. Also, magkakaroon po kami ng concert sa December 14, kasama ang mga kapatid ko kay nanay Jobert Sucaldito (na sina Kiel Alo at PrimaDiva Billy).”
Ano pa wish na mangyari sa kanyang career? “My wish is not very different from most of the artist out there po, at ito ay magkaroon ng successful na career po!”
Dream ba niya talagang maging recording artist noong bata pa? Ano ang message niya sa manager niya at sa mga taong tumutulong sa kanyang career?
“Actually three years ago ko lang nalaman na marunong talaga ako kumanta at gawing panghabang buhay itong ginagawa ko noong patuloy akong pinush ng mga taong sumusuporta sa akin, kaya laking pasasalamat ko sa kanila.
“I will be forever grateful sa kanila sa pagtitiwala sa akin at sa aking kakayahan, sa aking manager na si Nay Maine Nieto, sa mga magulang ko na si daddy Ignacio Mendoza at mommy Chona Mendoza, at also sa nanay kong si Nay Jobert Sucaldito, at tito Allan K.
“The kindness and pagmamalasakit at pagpu-push sa akin to be a recording artist ay patuloy na mananatili sa aking puso habang buhay. Thankful po ako sa kanilang lahat,” saad ni Macoy.
ALAM MO NA!
ni Nonie Nicasio
