4-buwan sanggol patay nang ihagis ng senglot na tatay

BINAWIAN ng buhay ang isang 4-buwan gu­lang sanggol na babae na sinabing inihagis ng sariling tatay na noo’y lasing at mainit ang ulo sa Silay City, Negros Occidental, kamaka­lawa.

Ayon sa ulat, sina­bing namatay ang sang­gol dahil sa sugat sa ulo nang tumama sa haligi ng bahay at nahulog sa sahig.

Kinilala ang amang suspek na si Marjohn Cusay, na umuwing lasing at galit dahil ku­lang ang ibinayad sa kawa­yan na kaniyang idini-deliver, ayon sa pulisya. Sinasabing napag-initan ni Cusay ang sang­gol na umiiyak noon kaya inihagis niya sa kinakasama.

Umamin ang ama sa krimen at humihingi ng tawad sa pamilya.