HATAW! D'yaryo ng Bayan hatawtabloid.com
PAKAY ng Magnolia Hotshots na tuldukan ang two-game skid sa pagharap nila sa GlobalPort Batang Pier sa PBA Philippine Cup sa Araneta Coliseum.
Kasalo ng Hotshots sa second spot ang Alaska Aces tangan ang 6-3 records, makakalaban nila ang Batang Pier sa alas-7 ng gabi.
Inaasahang mapapalaban ang liyamadong Magnolia dahil kagagaling lang sa panalo ang Batang Pier na may 4-4 karta.
Huhugot ng lakas ang Hotshots kina veterans PJ Simon at Marc Pingris, makakatuwang nila sina Mark Barocca, Justine Melton at Aldrech Ramos.
Kakapitan naman ng GlobalPort sina Stanley Pringle, Juan Nicholas Elorde at Bradwyn Guinto na naging instrumento sa panalo nila kontra Talk ‘N Text Tropang Texters noong Miyerkoles.
Nalugmok ang Hotshots sa kanilang huling laro kontra Rain or Shine Elasto Painters.
Samantala, magsasalpukan ang Blackwater at KIA sa unang sultada, (4:30 p.m.).
(ARABELA PRINCESS DAWA)
