HATAW! D'yaryo ng Bayan hatawtabloid.com
MUNTIK na palang mabosohan si Janella Salvador sa shooting ng My Fairy Tail Love Story.
Ayon sa Kapamilya actress, nangyari ito sa isang underwater scene sa pelikula nila ni Elmo Magalona na showing na ngayon, February 14.
Saad ni Janella, “Iyong isunuot ko roon to cover-up my upper part, may isang scene na pupunta sa ilalim tapos ay muntik nang matanggal, kasi ang ginamit doon ay adhesive lang talaga. So ang ginawa, after niyon ay ginawan na siya ng hook sa likod para hindi na matanggal.”
Pahayag ng aktres, “Hindi naman natanggal, pero muntik-muntikan na… Yeah, may precautions talaga, I’m really careful about it. Hindi kasi ako sanay din na magpakita ng maraming skin. So, minake sure (make sure) ko talaga iyon.”
Ngunit okay lang daw ito kay Janella dahil noon pa raw pangarap ng aktres ang gumanap na isang sirena.
Mahirap bang maging sirena? Paliwanag ni Janella, “Mahirap iyong training, pero for me kasi, worth it, e. Kasi, talagang nag-e-enjoy ako sa ginagawa ko. Sobrang ganda ng surroundings under water, if you can just see kung ano iyong nasa ilalim ng tubig, napakaganda talaga. So, in-enjoy ko talaga siya.”
Nabanggit din ni Janella na kapwa sila masaya sa isa’t isa ni Elmo. “We’re very open with each other sa kung anong nararamdaman namin. And halata naman, kung ano ang nakikita ninyo, ‘yun din naman. We make each other happy, halata naman na masaya kami,” esplika ng aktres.
Saad ni Janella, “It’s because he also makes me happy naman, hindi ko naman itatago ‘yun na talagang masaya ako kapag kasama ko siya and tulad ng sabi niya, I keep him positive now.
“Yeah, I keep him positive, he also keeps me positive… Sobrang naba-balance out namin ‘yung each other and naa-appreciate ko talaga. Sa kanya lang talaga ako nagkaroon ng ganitong klaseng bond with a guy, siya ‘yung first. So, hopefully ma-maintain.”
So, ano ang humahadlang para maging sila na ni Elmo? Tugon ni Janella, “I just want to get to know him talaga more. And I think we need more time talaga to… ‘yung para mas makilala pa ‘yung isa’t isa. And para mag-grow pa iyong friendship namin, iyong relationship namin para if ever nga in the future, we decide pa to get together, e ‘di ayun na, it’s the perfect time na.”
Ang kakaibang fairy tale story na mapapanood sa movie ay hatid ng Regal Entertainment at mula sa pamamahala ni direk Perci Intalan. Tampok din dito sina Kiko Estrada, Dimples Romana, Dominic Ochoa, Kiray Celis, Kakai Bautista, at iba pa.
ALAM MO NA!
ni Nonie Nicasio
