Starstruck, ibabalik ng GMA (magtagumpay na kaya?)

SCOOP!!!

Pretty soon ay ibabalik na

ng GMA ang kanilang artista search, ang Starstruck.

Early 2000 noong inilunsad ng estasyon ang timpalak na nagbigay-daan sa matagumpay na showbiz career nina Jennylyn Mercado at Mark Herras, ang mga nanalo sa Season One nito.

Halos taon-taon din nagkaroon ng panibagong season ang Starstruck until naglunsad naman ang GMA ng Protégé na isinilang sina Thea Tolentino at Jeric Gonzales. Sad to say, Protégé failed to duplicate kung ano ang na-achieve ng Starstruck through the years.

After Protégé ay ibinalik muli ang Starstruck (makaraan ng mahigit isang taong paghahanda). Again, sad to say, mula sa last batch ay parang wala kaming nababalitaang may career na sumipa among the top winners.

Oo nga’t hindi naman sila pinababayaan ng GMA in terms of assignments, pero hindi maiaalis na gawing basis ang narating ni Jennylyn who’s one of the country’s finest young actresses.

Sana lang, with the relaunch ng nagbabalik na Starstruck ay hindi na maulit pa ang makasaysayang paglipat ng mga alumni roon sa kalabang network.

Napakarami na nila kung bibilangin. Ang siste, ang GMA ang nagpunla, umani, nagbayo, at nagsaing pero ibang estasyon ang nabusog.

HOT, AW!
ni Ronnie Carrasco III