HATAW! D'yaryo ng Bayan hatawtabloid.com
SAN JOSE, Occidental Mindoro – Patay ang isang sports director at isa pa habang 26 ang sugatan nang mahulog ang isang pampasaherong bus sa malalim na kanal sa gilid ng kalsada sa bayang ito, nitong Sabado ng gabi.
Kinilala ang mga biktimang namatay na sina Elmer Decillo, 61, sports director ng Rizal University System of Morong, Rizal, at Jonathan Penada, 51-anyos.
Ayon sa ulat ng pu-lisya, lulan ng bus ang 44 estudyanteng atleta at staff ng Rizal University System.
Patungo sila sa San Jose para dumalo sa Southern Tagalog Regional Association of State Universities and Colleges (STRASUC) Olympics.
Ngunit pumalya ang preno ng bus sa bahagi ng Sitio Bunga, Brgy. Nicolas dakong 6:30 pm, hanggang mahulog ang nasabing bus sa malalim na kanal sa gilid ng kalsada.
HATAW News Team
