LP nakasawsaw sa Marawi crisis?

WALANG katotohanan na ang Liberal Party ang nagpopondo sa mga terorista sa Marawi City, ayon kay Defense Secretary Delfin Lorenzana.

“Not true according to our own inquiry on our commanders in Marawi,” ani Lorenzana sa text message sa mga mamamahayag, hinggil sa pahayag ni Greco Belgica na nakatanggap siya ng intelligence reports na ang LP ang nagpopondo sa mga terorista sa Marawi City. Sa press conference kahapon sa Maynila, isiniwalat ni Belgica, bukod sa Marawi crisis, pinopondohan din umano ng LP ang destabilization plots, assassination plots laban kay Pangulong Rodrigo Duterte, sa layunin daw na palitan siya ni Vice President Leni Robredo.

“They are involved in Marawi financing destabilization plots, assassination plots, para patalsikin dead or alive ang ating pangulo. Para ipalit si Leni Robredo. Takas sa kanilang criminal liability. Ayaw natin mangyari ‘yun. ‘Wag natin payagan dahil kawawa tayo,” ani Belgica.

Para kay Presidential Spokesman Ernesto Abella, karaniwan lang na may banta sa buhay ng Pangulo ngunit kapag nagkaroon ng kongkretong batayan ay iimbestigahan ito ng mga awtoridad.

(ROSE NOVENARIO)