Sikat na aktres, never magiging legal wife

TIGAS pala sa pagtanggi ang isang non-showbiz wife na ipawalang-bisa ang kasal nila ng isang negosyante, at bakit?

Tulad ng alam ng marami, ilang taon na ring nagsasama (minus the church blessing) ang negosyante at ang isang sikat na aktres.

Gayunman, kahit pa paulit-ulit nang nakikiusap ang businessman na palayain na siya’t maging legal ang pagsasama nila ng aktres ay bigo siya.

Tsika ng aming source, “Hanggang sa kamatayan, eh, hinding-hindi makikipag-cooperate ang legal wife ng businessman para pakasalan na niya ang live-in partner niyang aktres. Eh, alam naman kasi ng legal wife na kapag nakipag-cooperate siya sa annulment, eh, kanino pa nga ba mapupunta ang lahat ng mga pinaghirapan ng negosyante kundi sa kinakasama niya? Sinong nawalan at sinong nagbuhay-reyna ng walang kahirap-hirap? Ano siya (aktres), sinusuwerte? Hoooy, mag-ilusyon na lang siyang legal wife habambuhay, pero hindi ‘yon mangyayari in real life!”

Da who ang aktres na never magiging legal wife ng negosyante hitsurang dumaan pa siya sa ibabaw ng bangkay ng totoong dyowa pa rin ng common boylet nila?

Itago na lang natin ang hitad sa alyas na Chan-Chan Loreto.

(Ronnie Carrasco III)