HATAW! D'yaryo ng Bayan hatawtabloid.com
NAIS naming maglaan ng espasyo rito para sa dating kasamahan na si Butch Francisco. Sa totoo lang, mas naging malapit kami ni Tito Butch nang mawala sa ere ang Startalk almost two years ago.
Proof of our closeness ay ang madalas naming pag-uusap sa telepono sa gabi na umaabot hanggang madaling araw. In a way ay gusto naming ipadama sa kanya na hindi dahil hindi na kami magkatrabaho’y natuldukan na rin ang aming pagkakaibigan.
Sa mga nagtatanong kung kumusta na si Tito Butch, well, he has found another career avenue: ang pag-arte.
Yes, kabilang siya sa seryeng pinamagatang Tokhang among several shows na inilunsad kamakailan ng Cignal sa TV5.
Papel na investigative reporter ang ginampanan niya sa kuwento na nasa cast din si Mon Confiado, among many others.
Ang kilalang si Tita Joanne Banaga ang nag-alok kay Butch ng acting part, na kung bakit nito tinanggap ay dahil isang oportunidad din ‘yon to be visible again on TV kahit hindi na siya host.
“I intend to die as an actor,” pag-aanunsiyo ni Butch on mike nang tanungin ng nagsilbing emcee na si Paolo Bediones what made him grab the offer.
Honestly, masaya kami para kay Tito Butch who—to us, is probably one of the most misunderstood people in showbiz.
Suplado, mahirap biruin, aloof. Ilan lang ito sa mga ‘di kagandahang katangiang nakikita sa kanyang panlabas. Pero ang inyong lingkod na ang magpapatunay, si Butch Francisco ay isang totoong tao sa mundong batbat ng pagbabalatkayo.
Aanhin natin ang taong sa harap mo lang nakangiti, pero nakabusangot naman kapag tumalikod na sa iyo?
Kaya sa ‘yo, Tito Butch, may your acting career flourish!
HOT, AW! – Ronnie Carrasco III
