HATAW! D'yaryo ng Bayan hatawtabloid.com
AGAD binawian ng buhay ang isang motorcycle rider habang sugatan ang kanyang angkas makaraan masagi at masalpok ng isang trailer truck nang mag-counterflow ang motorsiklo sa R-10, Tondo, Maynila, kamakalawa ng gabi.
Ayon sa ulat ng Manila Police District Traffic Enforcement Unit (MPDTEU), dakong 8:30 pm nang maganap ang insidente sa R-10, malapit sa Jacinto St., Tondo.
Lulan ng motorsiklo ang magkapatid na sina Roel Gabotero, 36, at Ronaldo Gabotero, 32, nang mag-counterflow sila sa northbound lane sa naturang lugar.
Ngunit pagsapit sa harap ng Smokey Mountain ay nasagi ang motorsiklo ng kanang harapang bahagi ng isang trailer truck dahilan upang mawalan ng kontrol at nasalpok ng nasabing sasakyan.
Agad binawian ng buhay sa insidente si Roel habang sugatan si Ronaldo.
Samantala, imbes tulu-ngan ang mga biktima ay mabilis na tumakas ang dri-ver ng truck na hindi naplakahan.
(BRIAN GEM BILASANO)
