HATAW! D'yaryo ng Bayan hatawtabloid.com
HINDI umabot nang buhay sa pagamutan ang isang tricycle driver nang tadtarin ng saksak ng dalawang lalaki makaraan, suntukin ang bayaw ng isa sa kanila sa Binondo, Maynila, kahapon ng madaling araw.
Kinilala ang biktimang si Angelo Sante, 34, residente ng Gate 46, Area B, Parola Compound, Binondo.
Ayon kay MPD Station 11 commander, Supt. Amante Daro, tinutugis ng mga pulis ang mga suspek na kinilalang sina alyas De Leon at James Bonifacio, residente ng nabanggit na lugar, makaraan ang insidente dakong 1:20 am.
Napag-alaman, kinompronta ng mga suspek ang biktima kung bakit sinuntok si alyas Gary na bayaw ni De Leon, na humantong sa kanilang pagtatalo.
Hanggang sa bumunot ng patalim si De Leon at i-nundayan ng saksak ang biktima.
Isinugod ang biktima sa Justice Jose Abad Santos Hospital ngunit hindi umabot nang buhay.
(BRIAN GEM BILASANO)
