HATAW! D'yaryo ng Bayan hatawtabloid.com
AYON kay Aljur Abrenica, sa exclusive interview sa kanila ni Kylie Padilla ng Pep.ph, nabastusan daw siya sa management ng girlfriend niya, ang Vidanes Celebrity Marketing (VCM).
Paano raw kasi ay pinangunahan sila nito sa pag-announce na engage na sila ni Kylie. Na sana raw ay sa kanila mismo unang nanggaling ang announcement dahil sila naman daw ang involved sa engagement.
Maiintindihan din daw niya kung si Kylie ang unang nag-post ng confirmation tungkol sa kanilang engagement dahil sa aktres naman daw siya nag-propose.
Sinabi pa kay Aljur, tatlong beses siyang nag-propose kay Kylie. Ang una raw ay noong Japan trip nila ng October last year. Ang sumunod daw ay noong bumalik na sila ng ‘Pinas ng November. At ang huli ay noong nagli-live in na sila.
Nag-decide raw silang mag-live-in na para malaman nila kung compatible sila, kung click sila sa isa’t isa.
Ayaw nilang tumulad sa ibang showbiz couple na pagkatapos magpakasal ay umabot din sa puntong naghiwalay.
Inamin na rin ni Kylie sa interview sa kanila na totoo ‘yung mga naglalabasang buntis siya. Nasabi na rin daw niya ito sa kanyang mga magulang na sina Liezl Sicangco at Robin Padilla.
Noong nagpa-pregnancy test siya at nakompirma niyang buntis siya, ay agad daw niyang tinawagan ang kanyang ina, na naka-base na sa Australia para sabihin ang kanyang sitwasyon.
Ang payo sa kanya ng ina ay huwag ipalalaglag. Nalaman naman ito ni Robin noong nakasama niya itong mag-dinner kamakailan. Doon niya sinabi na buntis siya. Ang payo naman nito sa kanya ay alagaan ang kanilang baby.
Ayon pa kay Kylie, gusto na rin naman niyang magka-anak.
O ayan, sa mga basher ni Aljur, alam ninyo na siguro ngayon na gusto na rin namang magka-baby ni Kylie kaya siguro ay titigilan ninyo na si Aljur sa pamba-bash.
MA at PA – Rommel Placente
